بجٹ تے بحث اتے منظوری دے دوران اپوزیشن کوں حکومتی ارکان توں ودھ ویلھا ݙتا ڳئے ،سپیکر قومی اسمبلی

اسلام آباد۔30جون (اے پی پی):سپیکر قومی اسمبلی اسد قیصر آکھیے جو بجٹ تے بحث اتے ایندی منظوری دے دوران اپوزیشن ارکان کوں حکومتی ارکان توں ودھ ویلھا ݙتا ڳئے اتے سارے امور قواعد دے مطابق نبیڑیے ڳئن ۔ ٻدھ کوں قومی اسمبلی اچ مسلم لیگ (ن) دے رکن خواجہ محمد آصف اتے ٻئیں ولوں چاتے ڳئے نکتے دا جواب ݙیندے ہوئیں انہاں آکھیے جو قومی اسمبلی 5 گھنٹے 10 منٹ دی لمبی بحث دے بعد فنانس بل 2021ء دی منظوری ݙتی اے ۔سیشن اچ حکومت اتے اپوزیشن ولوں 244 ارکان بجٹ تے عام بحث اچ حصہ ڳھدے اتے 69 گھنٹے 5 منٹ صرف کیتے۔ اپوزیشن ارکان کوں انہاں دے مختص ویلھے توں 16 گھنٹے 5 منٹ ودھ جݙاں جو حکومتی ارکان کوں بجٹ تے بحث کیتے 13گھنٹے دا ودھ ویلھا ݙتا ڳئے۔ ایندے علاوہ مطالبات زر اتے کٹوتی دی تحریک کیتے 16 گھنٹے 10 منٹ اتے سینٹ تجاویز تے بحث کیتے ھک گھنٹہ 20 منٹ ݙتے ڳئن ، ایں طرح لازمی خرچیں تے ھک گھنٹہ ݙاہ منٹ بحث کرائی ڳئی ۔ مجموعی طور تے بجٹ دی منظوری تے 93 گھنٹے صرف کیتے ڳئن ۔ ضمنی مطالبات زر دی منظوری کیتے وی ارکان کوں مزید ویلھا ݙتا ویسی ۔ کہیں وی بجٹ دی منظوری کیتے اے ھک ریکارڈ ٹائم اے جیڑھا جو ارکان کوں ݙتا ڳئے ۔

مضمون کا ماخذ : نمبروں دا میگا سینا

متعلقہ مضامین