آر ایس ایس دی آشیر باد اچ مودی حکومت نسلی بالادستی دے ایجنڈے تے چلدی پئی اے، جگ مقبوضہ کشمیراچ خونریزی ٹالنڑ کیتے فعال کردار ادا کرے،جگ کوں مقبوضہ کشمیر اچ بھارت دے مکروہ عزائم ڈساونڑ آیاں
وزیراعظم عمران خان دی امریکی جریدے’وال سٹریٹ جنرل‘دے ادارتی بورڈنال گالھ مہاڑ
نیویارک ۔ 26 ستمبر (اے پی پی) وزیراعظم عمران خان آکھیے جو پاکستان اپنڑے عوام کوں غربت توں کڈھنڑاتے پر امن ہمسائیگی چاہندے، آر ایس ایس دی آشیر باد اچ مودی حکومت نسلی بالادستی دے ایجنڈے تے چلدی پئی اے، جگ مقبوضہ کشمیراچ خونریزی ٹالنڑ کیتے فعال کردار ادا کرے،جگ کوں مقبوضہ کشمیر اچ بھارت دے مکروہ عزائم ڈساونڑ آیاں۔ اے گالھ انہاں امریکی جریدے’وال سٹریٹ جنرل‘دے ادارتی بورڈنال گالھ مہاڑاچ آکھی۔انہاں آکھیے جو نسل پرستی تکبرکوں وددھیندی اے اتے تکبر لوکاں کولوں وڈیاں غلطیاں کرویندے،ایہو کجھ مودی مقبوضہ کشمیر اچ کیتے، میں صرف کشمیر کیتے امریکا آیاں بئے معاملات ایندے اگو کوئی اہمیت نئیں رکھیندے۔ انہاںا ٓکھیے جو جگ اے حقیقت نئیں سمجھدا پیا جو ساں ہک وڈی تباہی دو ویندے پئے ہیں۔وزیراعظم دے وال سٹریٹ جنرل دے ادارتی بورڈ کوں انٹرویو بارے اقوام متحدہ اچ پاکستان دی مستقل مندوب ڈاکٹر ملیحہ لودھی ڈسائے جو مقبوضہ کشمیر اچ بھارت دا غیر قانونی اقدام نہ صرف خطے بھل پورے عالم اسلام کیتے باعث تشویش اے۔ انہاںا ٓکھیے جو جگ کوں اے ڈر نئیں ہوونڑا چاہیدا جو افغانستان اچ امن معاہدے نال اساں ہک واری ول 2001ءدی صورتحال تے ونج کھڑسوں، امن ہر کہیں دی سانجھی لوڑھ اے جیندے کیتے ساکوں رل مل تے کم کرنڑا چاہیدے،امریکا اتے طالبان مذاکرات تیکھے بحال تھیونڑ ضروری ہین۔ وزیراعظم آکھیے جو امریکا اچ انہاں جگ کوں بھارت دے غیر قانونی اتے یکطرفہ جموں و کشمیر تے تسلط اتے انسانی حقوق دی خلاف ورزیاں بارے ڈسائے، میں تہوںا ٓیاں جو جگ کوں سمجھاواں کہ ہندوستان بین الاقوامی قوانین دی خلاف ورزی کریندا پئے،جیکر جگ توجہ نہ ڈتی تاں ایندے پورے جگ تے اثرات پوسن جیکوں پہلے روکنڑ بہوں ضروری اے۔
