تحریک انصاف بدعنوانی بارے اپنڑے بنیادی فلسفہ توں نہ پھرسی، وزیراعظم دے معاون خصوصی امور نوجواناں عثمان ڈاردی گالھ مہاڑ

اسلام آباد ۔ 6 نومبر (اے پی پی) وزیراعظم دے معاون خصوصی برائے امور نوجواناں عثمان ڈارااکھیے جو تحریک انصاف بدعنوانی بارے اپنڑے بنیادی فلسفہ توں نہ پھرسی، امید اے جو دھرنے آلے آندی جمعہ نماز اپنڑے گھر ونج پڑھسن۔ اے گالھ انہاں ہک نجی ٹی وی چینل نال الویندے آکھی۔ انہاں آکھیا جو حکومت جمعیت علمائے اسلام (ف) دا کوئی غیر آئینی مطالبہ نہ منیسی اتے اساں اے دھرنا مکاونڑ کیتے پر عزم ہیں۔ انہاںا ٓکھیا جو جے یو آئی کوئی آئینی اتے قانونی مطالبہ کیتا تاں او ضرور منیا ونج سگدے بھل وزیراعظم دا استعفیٰ اصلوں قابل قبول نئیں۔ انہاں آکھیا جو آزادی مارچ دے شرکا بدامنی اتے فساد کھنڈاونڑ چاہندن بھل عمران خان دی حکومت دھرنے دا پرامن خاتمہ چاہندی اے، امید اے اے لوک تیکھے گھر ول ویسن کیوں جو مولانا فضل الرحمن کوں صورتحال دی سمجھ وی اے اتے او اپنڑے غیر جمہوری مطالبات وی جانڑدن،انتشار دی سیاست ملکی فیدے اچ کائنی، ہر مسلے داسیاسی حل جمہوری انداز اچ کڈھنڑا چاہیدے ایں سانگے حکومتی مذاکراتی کمیٹی اپوزیشن دی رہبر کمیٹی نال رابطے اچ اے،امید اے جو مسلے داحل کڈھ گھنسن۔

مضمون کا ماخذ : لیپریچون کی خوش قسمتی۔

متعلقہ مضامین