اسلام آباد۔3جولائی(اے پی پی):وفاقی کابینہ ہائیر ایجوکیشن کمیشن ترمیمی بل 2023ء، وفاقی اُردو یونیورسٹی برائے آرٹس، سائنس و ٹیکنالوجی ترمیمی بل 2023 ء،نیشنل کمیشن فار ہیومن ڈویلپمنٹ آرڈیننس 2002 ء، پرائیویٹ سکیورٹی سروسز ریگولیٹری بل 2023 ء، ورلڈ فوڈ پروگرام دی گاݙیاں دےسپیئر پارٹس دے کنٹینردی پاکستان دے رستے کراچی توں کابل تئیں ٹرانزٹ دی اجازت اتے پاکستان لینڈ پورٹ اتھارٹی ٻݨاوݨ کیتے قانون سازی دی منظوری ݙتی اے۔ وزیراعظم محمد شہباز شریف دی اڳواݨی اچ تھیوݨ آلے وفاقی کابینہ اجلاس اچ آئی ایم ایف نال 3 ارب ڈالرک عاہدے تےبریفنگ ݙتی گئی۔ وزیراعظم محمد شہباز شریف اوکھے ویلھے ہتھ ونݙاوݨ تے ن دوست ملکاں چین،سعودی عرب،متحدہ عرب امارات اتے اسلامی ترقیاتی بنک اتے اور ایم ڈی، آئی ایم ایف کدا شکریہ ادا کیتا۔ وفاقی کابینہ کوں اسلام آباد اچ سالڈ ویسٹ مینجمنٹ منصوبے تے تفصیلی بریفنگ ݙتی گئی۔ وفاقی کابینہ نے پرائیویٹ سکیورٹی سروسز ریگولیٹری بل 2023 سی سی ایل سی اچ ٻھیڄݨ دی منظوری ݙتی جیندے نال سیکیورٹی نظام دی باضابطہ نگرانی کیتے پرائیویٹ سیکیورٹی سروسز ریگو لیٹری اتھارٹی ٻݨائی ویسی۔ کابینہ سویڈن اچ قرآن پاک دی بیحرمتی دی مزمت کریندے سویڈش حکومت اتے عالمی برادری توں اینڄھے جرائم روکݨ کیتے اقدامات دا وی مطالبہ کیتے۔
