وزیراعظم دے معاون خصوصی برائے خارجہ امور طارق فاطمی ترکی دے سفارتخانے گئے ،استنبول اچ اتاترک ایئرپورٹ تے دہشت گرد حملے بارے تعزیتی کتابچے اچ آپ دے تاثرات درج کیتے

اسلام آباد ۔ یکم جولائی (اے پی پی) وزیراعظم دے معاون خصوصی برائے خارجہ امور طارق فاطمی جمعے کوں ترکی دے سفارتخانے گئے اتے 29 جون کوں استنبول اچ اتاترک ایئرپورٹ تے دہشت گرد حملے بارے تعزیتی کتابچے اچ آپ دے تاثرات درج کیتے طارق فاطمی دہشت گرد حملے اچ بے گناہ مرد، خواتین اتے بالیں دی ہلاکت تے ودھ سارے ڈکھ اتے افسوس دا اظہار کریندے ہوئیں خود کش حملیاں دی شدید لفظاں اچ مذمت کیتی۔ دفتر خارجہ دے ترجمان دے مطابق معاون خصوصی حملیاں اچ جاں بحق افراد بارے ترکی دی حکومت،لوکیں اتے لواحقین نال پاکستانی حکومت اتے لوکیں ولوں دلی تعزیت دااظہار کیتا اتے زخمیاں دی تکھے صحت یابی دی دعا کیتی۔ طارق فاطمی ڈوہائیں ملکاں وچال تریخی قریبی تعلقات کوں اجاگر کریندے ہوئیں آکھیا جو گزریل کجھ سالیں اچ پاکستان اتے ترکی وچال ڈو طرفہ تعلقات بئے مستحکم تھی گئے ہن ۔ طارق فاطمی آکھیا جو پاکستان خود دہشت گردی دا شکار ہے، اساں ملک اچوں ہر قسم دی دہشت گردی کو ں منڈھ توں مکاونڑ دا عزم کیتا ہویا ہے ۔

مضمون کا ماخذ : نمبروں دا میگا سینا

متعلقہ مضامین