وزیراعظم محمد شہباز شریف نال صدر اسلامی ترقیاتی بینک دی ملاقات، جاری منصوبیاں تے پیشرفت دا جائزہ، تعاون دےنویں موقعیاں تے ڳالھ مہاڑ کیتی ڳی

پیرس۔23جون (اے پی پی) وزیراعظم محمد شہبازشریف اسلامی ترقیاتی بینک ( آئی ایس ڈی بی) دے صدر ڈاکٹر محمد الجاسر نال ملاقات کیتی جئین اچ پاکستان اتے آئی ایس ڈی بی وچال پراݨے تعاون اتے رابطیاں تے ڳالھ مہاڑ کیتی۔ جمعے کوں وزیراعظم آفس دے میڈیا ونگ توں جاری بیان موجب اے ملاقات فرانس اچ تھیوݨ آلے نویں عالمی مالیاتی معاہدے کیتے سربراہ اجلاس دے موقع تے تھئی۔ وزیراعظم اتے صدر آئی ایس ڈی بی مختلف جاری منصوبیاں تے پیشرفت دا جائزہ ڳھدا اتے تعاون دے نویں موقعیاں تے ڳالھ کیتی۔ وزیراعظم 9 جنوری 2023 کوں جنیوا اچ تھیوݨ آلی کلائمیٹ ریزیلیئنٹ پاکستان بارے بین الاقوامی کانفرنس اچ آئی ایس ڈی بی دی شرکت تے پاکستانی حکومت اتے عوام ولوں ڈاکٹر الجاسر دا شکریہ ادا کیتا۔ انہاں کانفرنس اچ آئی ایس ڈی بی دے پاکستان دی چھل دی بحالی اچ تعاون کیتے 4.2 ارب دالر ݙیوݨ دے اعلان دی تعریف کیتی۔ وزیراعظم صدر آئی ایس ڈی بی کوں جلدی توں جلدی پاکستان دا دورہ کرݨ دی دعوت وی ݙتی۔

مضمون کا ماخذ : ریل رش

متعلقہ مضامین