دنیا کوں پیش آندے ٻہوں سارے چیلنجز نال نبݨݨ کیتے جنوب۔ جنوب تعاون کوں ودھارا ݙیوݨ دی لوڑھ اے ، اقوام متحدہ اچ پاکستان دے نائب مستقل نمائندہ دی اعلی سطح دی کمیٹی اچ ڳالھ مہاڑ

اقوام متحدہ۔2جون(اے پی پی):پاکستان آکھیے دنیا ایں ویلھے مالیات، خوراک اتے ماحولیاتی تبدیلی دے ھک ݙوجھے نال جڑیے بحراناں دا مقابلہ کریندی پئی اے جیں نال نبݨݨ کیتے جنوب ۔جنوب تعاون تے ترقی پذیر ملکاں وچال تعاون کوں مزید تکھا کرݨ دی لوڑھ اے ۔اقوام متحدہ اچ پاکستان دے نائب مستقل نمائندہ عامر خان جنوب۔ جنوب تعاون دے حوالے نال قائم اعلی سطح دی کمیٹی دے اجلاس اچ اظہار خیال کریندے ہوئیں آکھیے جنوب جنوب تعاون توں تجارت، انفراسٹرکچر کنیکٹیویٹی ،انسانی سرمایہ، تعلیم، صحت، زراعت، سائنس اتے ٹیکنالوجی، ماحولیاتی تبدیلیاں دے منفی اثرات نال مزاحمت رکھݨ ، آفات دے خطرے اچ کمی اتے ٻئے شعبیں اچ تعاون دے ودھارے کیتے مفید ثابت تھی سڳدے ۔جنوب۔ جنوب تعاون دی کمیٹی ترقی پذیر ملکاں وچال تکنیکی تعاون کوں ودھارا ݙیوݨ تے ایں تے عمل درآمد کیتے 1978 دے بیونس آئرس پلان آف ایکشن تے عمل درآمد اچ پیش رفت دا جائزہ گھندی پئی اے ۔ پاکستانی نمائندہ آکھیے جنوب۔جنوب تعاون دا کوئی متبادل کائنی بلکہ ایندی تکمیل کیتے شمال۔جنوب تعاون اتے ترقی یافتہ ملکاں کوں شمال۔جنوب تعاون کیتے آپݨے وعدیں کوں پورا کرݨا چاہیدے ۔

مضمون کا ماخذ : گرم سے زیادہ گرم

متعلقہ مضامین